Monthly Archives: August 2016

വീട്ടുവളപ്പിലൊരു കാന്താരി

പറമ്പില്‍ ഒരു കാന്താരിയുണ്ടോ? എന്നാല്‍, നിങ്ങള്‍ക്ക് ആശ്വസിക്കാം. ഔഷധങ്ങളുടെ കലവറയാണ് കാന്താരി. കാന്താരിയുടെ എരിച്ചിലും നീറ്റലും ചൂടും ചൂരുമെല്ലാം അതൊരു ഔഷധിയാണെന്നതിന്റെ സൂചനമാത്രം.
കാന്താരിയുടെ എരിവ് കൂടുംതോറും ഔഷധഗുണവും കൂടുമെന്നത് നമ്മുടെ പഴയ കണ്ടെത്തല്‍. മുളകിന്റെ പുകച്ചിലിന് കാരണം അതിലടങ്ങിയിരിക്കുന്ന കാപ്‌സിനോയിഡുകളാണ്. പല ആയുര്‍വേദ മരുന്നുകളുടെയും പ്രധാനഘടകവും ഈ രാസപദാര്‍ഥങ്ങള്‍ തന്നെ.
സന്ധികള്‍ക്കും പേശികള്‍ക്കുമുണ്ടാകുന്ന വേദനയകറ്റാന്‍ നാട്ടുവൈദ്യന്മാര്‍ പഴുത്ത കാന്താരി ഉപയോഗിച്ചിരുന്നു. തലച്ചോറിലേക്ക് സന്ദേശമെത്തിക്കുന്ന നാഡീവ്യൂഹത്തിലെ ഘടകത്തിന്റെ പ്രവര്‍ത്തനത്തെ തടസ്സപ്പെടുത്തുന്നതിനാല്‍ വേദനസംഹാരിയായി പ്രവര്‍ത്തിക്കാനും കാന്താരിക്ക് കഴിയും. കാന്താരിരസത്തിന് രക്തക്കുഴലുകളെ വികസിപ്പിക്കാന്‍ കഴിവുണ്ട്.
കാന്താരിയിലെ ‘ജീവകം സി’ ശ്വാസകോശരോഗങ്ങളെ ചെറുക്കുകയും പ്രതിരോധശേഷി വര്‍ധിപ്പിക്കുകയും ചെയ്യും. ഹൃദ്രോഗമുണ്ടാക്കുന്ന ട്രൈ ഗ്ലിസറൈഡുകളുടെ അധിക ഉത്പാദനത്തെ കാന്താരിമുളക് നിയന്ത്രിക്കും. കൊളസ്‌ട്രോള്‍ കുറയ്ക്കാനും രക്തക്കുഴലുകള്‍ കട്ടിയാവുന്നത് തടയാനും കാന്താരിക്ക് കഴിയും. കാന്താരി മറ്റെല്ലാ ഔഷധങ്ങള്‍ക്കും രാസത്വരകമായി പ്രവര്‍ത്തിക്കുന്നു. ഉമിനീരുള്‍പ്പെടെയുള്ള സ്രവങ്ങളെ ഉദ്ദീപിപ്പിക്കുകയും അതുവഴി ദഹനപ്രക്രിയയെ സഹായിക്കുകയും ചെയ്യും.
സോളഹേസിയ കുടുംബത്തില്‍പ്പെട്ട കാന്താരിയെ പോര്‍ച്ചുഗീസുകാരാണ് ഇങ്ങോട്ട് കൊണ്ടുവന്നത്. അതുകൊണ്ടുതന്നെയാണ് കാന്താരിയെ പറങ്കിമുളകെന്ന് വിളിക്കുന്നത്.
ചൂടത്ത് വളരുന്ന കാന്താരിക്ക് എരിവും ഗുണവും കൂടും. കീടരോഗബാധയൊന്നുംതന്നെ കാന്താരിയെ ബാധിക്കാറില്ല. അതേസമയം, കാന്താരിമുളക് അരച്ചുതളിച്ചാല്‍ പച്ചക്കറികൃഷിയിലെ കീടങ്ങളെ തുരത്താം. ഗ്രോബാഗില്‍ കാന്താരി വളര്‍ത്തുമ്പോള്‍ ദിവസവും നന നിര്‍ബന്ധമില്ല.

ഷെയർ ചെയ്യുക ആര്ക്കെങ്കിലും ഈ പോസ്റ്റുകൾ ഉപകാരം ആകട്ടെ.
കൂടുതല്‍ അറിയാന്‍ ആയുർവേദം പേജ് ലൈക്‌ ചെയ്യൂ ….

ആയുർവേദം's photo.

989 total views, 1 views today

കേരളത്തിലെ അദ്ധ്യാപകര്‍ കോഴ കമ്പോളത്തിലെ ഇര

 

ആര്‍ഷ ഭാരത സംസ്കാരം ആദരപൂര്‍വ്വം മനസ്സില്‍ കുറിച്ചിരുന്ന ആചാര്യ ദേവോ ഭവ: ജ്ഞാനം പകര്‍ന്ന് നല്‍കിയ ഗുരു വര്യന്‍മാര്‍ക്കുള്ള അംഗീകാരമായിരുന്നു.ഗുരുകുലത്തില്‍ താമസിച്ച് ഗുരുമുഖത്തുനിന്ന് കണ്ടും കേട്ടും ഉരുവിട്ടും കൈവരിച്ചിരുന്ന ജ്ഞാന സമ്പാദനം ഗുരു ശിഷ്യ ബന്ധത്തിന്‍റെ ഇഴ പിരിക്കാനാവാത്ത സ്നേഹ വായ്പായിരുന്നു.സമൂഹത്തിന്‍റെ ഉന്നത ശ്രേണിയിലെ വിരലിലെണ്ണാവുന്നവരെ മാത്രമേ അറിവിന്‍റെ അഗ്നി ആവാഹിക്കാന്‍ അനുവദിച്ചിരുന്നുള്ളൂ. അവര്‍ണന്‍മ്മാര്‍ അറിവ് നേടിയാല്‍ ആകാശം ഇടിഞ്ഞു വീഴുമെന്ന ചിന്തയായിരുന്നു അക്കാലത്ത്.ദൈവ കോപത്തിന്റെ തൊഴുത്തില്‍ കെട്ടി സാധാരണക്കാര്‍ അറിവ് വഴിയില്‍ നിന്ന് ആട്ടി അകറ്റപ്പെട്ട് മാറ്റി നിര്‍ത്തിയിരുന്നു.ആകലെ മാറി ഒളിച്ചിരുന്ന് കേട്ട് പടിച്ചവന്റെ കാതില്‍ ഈയം ഒഴിച്ചതും തന്നെക്കാള്‍ മികവു കാട്ടിയവരെ നീചമായ ദക്ഷിണയിലൂടെ ഗുരു തളച്ചതും കേവലം കഥ മാത്രമല്ല. ഇതെല്ലാം പഴയ കാര്യം.

  കാല ചക്രം അതിവേഗം ഉരുണ്ടപ്പോള്‍ അറിവ് സമ്പാദനം സാര്‍വത്രികമായി.വിദ്യ പകരാന്‍ വിദ്യാലയങ്ങളും ഗുരുനാഥന് പകരം അധ്യാപകരും എന്നായി നില. ഗുരുകുലത്തിലെ തപസ്യയില്‍ നിന്ന് വ്യവസ്ഥാപിത സംവിധാനത്തിലേക്ക് ജ്ഞാന വിനിമയം മാറി.വളരെ പെട്ടെന്ന് വിനിമയം വാണിജ്യമായി. അറിവിന്‌ പകരം പണം വ്യാപകമായി.ദക്ഷിണ കൂലിക്ക് വഴിമാറി.ഗുരു അധ്വാനം വില്‍ക്കുന്ന  തൊഴിലാളിയുമായി.നേരിട്ട് അറിവ് പകര്‍ന്നിരുന്ന നിലത്തെഴുത്ത് ആശാന്‍ മാരില്‍നിന്ന് പതുക്കെ കുടിപ്പള്ളിക്കൂടം ഉയര്‍ന്നു.പിന്നീടിങ്ങോട്ട്‌ വിദ്യാലയങ്ങള്‍ വ്യാപകമായി. സ്ഥാപന വല്‍ക്കരിക്കപ്പെട്ട സംവിധാനത്തിന് നടത്തിപ്പുകാര്‍  മുന്നോട്ട് വന്നു.സര്‍ക്കാരും സംഘടനകളും സ്വകാര്യ വ്യക്തികളും ഇക്കൂട്ടത്തില്‍പ്പെടുന്നു.പതുക്കെ സ്വകാര്യ മാനേജര്‍ മാരും സാമുദായിക മേലാളന്മാരും ഈ മേഖല അടക്കി വാണു.ആരെ പഠിപ്പിക്കണം ആര് പഠിപ്പിക്കണം എന്ത് പഠിപ്പിക്കണം എന്നെല്ലാം അവരുടെ മനോനില അനുസരിച്ചായി. അതിനെതിരെ വന്ന ചെറു വിരല്‍ അനക്കം പോലും അവര്‍ തടഞ്ഞു.തന്‍ പ്രമാണിത്തവും സവര്‍ണ ചിന്തയും അവരെ അടക്കി ഭരിച്ചു.സാംസ്കാരിക മുന്നേറ്റവും നവോത്ഥാന വിപ്ലവും ഒട്ടൊരു മാറ്റം അനിവാര്യമാക്കിയെങ്കിലും പിന്നെയും അവര്‍ പിടി മുറുക്കുന്നതാണ് അനുഭവം.

    വിദ്യാഭ്യാസം വ്യാപക മാക്കാനുള്ള ശ്രമങ്ങളില്‍ പിന്തുണ നല്‍കി പിന്നീട് ലാഭം കൊയ്യാനുള്ള മേഖലയായി അവര്‍ അത് മാറ്റിയെടുത്തു. അധ്യാപകന് അര്‍ഹതയുള്ള വേതനം നല്‍കാതെ അടിമ തുല്ല്യമായി പെരുമാറി.എടുത്ത ജോലിക്ക് കൂലി ചോദിച്ചവരെ പിരിച്ചുവിട്ടും മുഷ്ക്ക് കാട്ടി.ജാനകിയ രോഷത്തില്‍ ചിലത് ചൂളിപ്പോയെങ്കിലും വീണ്ടും അവര്‍ തന്നെ വെന്നികൊടിനാട്ടി. കടുത്ത ചൂഷണത്തിന്റെ വിളനിലമായിരുന്ന മാനേജ്മെന്‍റ് സമ്പ്രദായത്തെ നിയമ വിധേയമാക്കാനുള്ള ആദ്യ സര്‍ക്കാരിന്‍റെ ശ്രമത്തെ ജാതിമത ശക്തികളെ കൂട്ട് പിടിച്ച് മൂക്ക് കയര്‍ ഇടാനും അവര്‍ക്കായി.വിചിത്രമെന്നു പറയട്ടെ മാനേജരുടെ കൊടിയ ചൂഷണത്തിന്റെ ഇരകളായിരുന്ന ചില അധ്യാപകരുംഅവരുടെ കൈയ്യിലെ കളിപ്പാട്ടമായി.ശമ്പളം സര്‍ക്കാര്‍ നേരിട്ട് നല്‍കുന്ന സ്ഥിതിയായി എങ്കിലും നിയമവും ശിക്ഷാധികാരവും സ്വന്തം കൈയ്യില്‍ ഉറപ്പിക്കാന്‍ അവര്‍ക്കായി.മാസാമാസം ശമ്പളത്തില്‍ നിന്നും ഗഡുക്കളായി പിടിച്ചെടുക്കുന്നത് മുടങ്ങിയതോടെ തന്‍റെ വിഹിതം വന്‍ തുകയായി മുന്‍‌കൂര്‍ ഉറപ്പാക്കുന്ന രീതിയായി.കൊടുക്കുന്നവനും വാങ്ങുന്നവനും മാത്രം അറിയുന്ന ആര്‍ക്കും പരാതി ഇല്ലാത്ത വന്‍ വാണിഭം അതോടെ കേരളത്തിലെ സ്വകാര്യ വിദ്യാഭ്യാസ മേഖലയില്‍ തടിച്ചു കൊഴുത്തു.നൂറു രൂപ അന്യായമായി വാങ്ങിയാല്‍ പോലും വിജിലന്‍സ് പറന്നെത്തുന്ന സംവിധാനമുള്ള നാട്ടില്‍ സ്കൂള്‍ മാനേജരുടെ ലക്ഷങ്ങളുടെ കോഴ നാട്ടു നടപ്പ് മാത്രമായി.അങ്ങിനെ പണം നല്‍കി പണി വാങ്ങി അത്മാഭിമാനം പണയംവെച്ചു മാനേജരെ പേടിച്ച് കഴിയുന്നവരായി പകുതിയില്‍ അധികം വരുന്ന അധ്യാപക സമൂഹം. വിദ്യ കൊണ്ട് പ്രബുദ്ധര്‍ ആകാനും സംഘടന കൊണ്ട് ശക്തരാകാനും ഉദ്ബോധിപ്പിച്ച ഗുരുവിന്റെ പിന്മുറ അവകാശപ്പെടുന്നവര്‍ പോലും അധ്യാപകരുടെ സംഘടനാ സ്വാതന്ത്ര്യം അനുവദിക്കാന്‍ തയ്യാറാകുന്നില്ല.യോഗ്യതയും സാമൂഹിക നീതിയും ഒന്നും പരിഗണിക്കാതെയാണ് ഭൂരിപക്ഷം സ്വകാര്യ മാനേജര്‍ മാരും.അധ്യാപക നിയമനം നടത്തുന്നത്. പണം മാത്രമാണ് അവരുടെ മാനദണ്ഡം എന്ന് വന്നിരിക്കുന്നു.കുട്ടികളുടെ പ്രവേശനത്തിനും അധ്യാപക നിയമനത്തിനും എല്ലാം പണം അരങ്ങ് വാഴുന്നു. കോഴ നല്‍കിയതിനു തെളിവ് നല്‍കാന്‍ കെല്‍പ്പില്ലാത്തതു കൊണ്ട് പരാതിയും ഇല്ല.എങ്കിലും കോഴ വിവരം പകല്‍ പോലെ വ്യക്തമായത് കൊണ്ട് ലാഭത്തില്‍ ഒരു പങ്കു സ്വന്തം കീശയിലാക്കാന്‍ ചില രാഷ്ട്രിയക്കാരും ഭരണാധികാരികളും മുന്നോട്ട് വന്നപ്പോള്‍ കോഴ വാണിഭം മലയാളക്കരയില്‍ സുലഭമായി.എല്ലാ നിയമങ്ങളും കാറ്റില്‍ പറത്തി സ്കൂളുകളും കോളേജുകളും തരപ്പെടുത്തി ഇഷ്ട്ടം പോലെ നിയമനം നടത്തി സര്‍ക്കാരിനെ വെല്ലുവിളിക്കുന്നവരായി ഇവര്‍.ജാതിമത രാഷ്ട്രിയ കൂട്ട് കെട്ടുകള്‍ ഇവര്‍ക്ക് തണല്‍ വിരിക്കുന്നു.ആ ശീതളിമയില്‍ വിരാജിക്കുന്ന തമ്പുരാക്കന്മാര്‍ക്ക് മുന്നില്‍ കേരളത്തിലെ ബഹു ഭൂരിപക്ഷം വരുന്ന അധ്യാപക സമൂഹം കോഴ കമ്പോളത്തിലെ ചൂണ്ടയില്‍ കുടുങ്ങി കഴിയുന്ന ഇരകള്‍ മാത്രം.

    നമ്മുടെ നികുതിപ്പണം അടിച്ചെടുത്തു തടിച്ചു കൊഴുത്തു അരങ്ങ് വാഴുന്ന ഈ കരിഭൂതങ്ങളെ തളക്കാന്‍ ആര് വരും.ആര് തന്നെ ശ്രമിച്ചാലും നിലവിലെ സാഹചര്യത്തില്‍ അവരെ മര്യാദാപുരുഷോത്തമന്‍ ആക്കാന്‍ ആര്‍ക്കും ആവില്ല. അടിയോടെ പിഴുതെടുത്ത്‌ എറിയുക തന്നെ വേണം.ജനന നിരക്കിലെ കുറവും അണ്‍ എയിഡഡ് വ്യാപകമായതും നമ്മുടെ വിദ്യാലയ വിന്യാസം പുനസംഘടിപ്പിക്കാന്‍ പ്രേരിപ്പിക്കുന്ന ഘടകങ്ങളാണ്. ഈ അവസരം ഉപയോഗിച്ച്  എയിഡഡ് സംവിധാനം നിര്‍ത്തലാക്കണം.കുട്ടികളുടെ എണ്ണത്തിനു അനുസരിച്ച് സര്‍ക്കാര്‍ വിദ്യാലയങ്ങള്‍ നിലനിര്‍ത്തണം എയിഡഡ് മേഖലയിലെ മുഴുവന്‍ കുട്ടികളെയും അധ്യാപക അനധ്യാപക ജീവനക്കാരെയും സര്‍ക്കാരിലേക്ക് എടുത്താലും യാതൊരു അധിക ചെലവും വരില്ല. ആധുനിക കാലം ആവശ്യപ്പെടുന്ന തരത്തില്‍ അനുപാതം കുറയ്ക്കാം.അത് വഴി ജാതി രാജാക്കന്മാരുടെ കച്ചവടവും അവസാനിപ്പിക്കാം.നിലവിലെ സര്‍ക്കാര്‍ സ്കൂളുകളെ ശക്തിപ്പെടുത്തിയും അത്യാവശ്യമായ ഇടങ്ങളില്‍ പുതിയത് സ്ഥാപിച്ചും അല്ലാത്തിടങ്ങളില്‍ കുട്ടികള്‍ക്ക് യാത്രാ സൗകര്യം ഒരുക്കിയും ഈ തീവെട്ടിക്കൊള്ളയില്‍ നിന്ന് നമ്മുടെ വിദ്യാഭ്യാസ മേഖലയെ രക്ഷിക്കാം.ഭൂരിഭാഗം സ്വകാര്യ വിദ്യാലയങ്ങളുടെയും സ്വത്തുക്കള്‍ നാട്ടുകാരുടെയും രക്ഷിതാക്കളുടെയും സംഭാവനയാണ്.ഇപ്പോള്‍ പോരാത്തതിന് എം.പി.,എം.എല്‍.എ ന്യൂനപക്ഷ ഫണ്ടുകളും തരപ്പെടുത്തിയാണ്.മാനേജര്‍മാര്‍ കച്ചവടം കൊഴുപ്പിക്കുന്നത്‌.

    നമ്മുടെ നാട്ടിലെ വിദ്യാഭ്യാസ വ്യാപന ഘട്ടത്തില്‍ നിസ്വാര്‍ത്ഥ മതികളായ വ്യക്തികളും സമിതികളും വലിയ അളവില്‍ സേവനം നല്‍കിയതിന്റെ മറവില്‍ ഇപ്പോഴത്തെ കച്ചവടക്കാരെ ആ ഗണത്തില്‍പ്പെടുത്തി പോയ കാലത്തിന്റെ ഓര്‍മചെപ്പിലെ നന്മ നല്‍കരുത്. വിദ്യാഭ്യാസ അവകാശത്തിന്റെ ഇക്കാലത്ത് എല്ലാവിധ ചൂഷണത്തില്‍ നിന്നും മുക്തമായ പൊതു വിദ്യാഭ്യാസ സംവിധാനം ഉറപ്പാക്കാന്‍ സര്‍ക്കാര്‍ സംവിധാനതിന്നു കഴിയണം.

 

 

1,018 total views, 2 views today

തിപ്പലി ചില ഔഷധപ്രയോഗങ്ങൾ

കുരുമുളകിന്റെ രുചിയോട് കൂടിയതും ആയുർവേദ ഔഷധങ്ങളിൽ ധാരാളമായി ഉപയോഗിക്കാ‍റുള്ളതുമായ ഒരു ഔഷധ സസ്യമാണ് തിപ്പലി. അസ്സം, ബംഗാൾ, എന്നിവിടങ്ങളിലും കേരളത്തിലും വളരുന്നു. പിപ്പലി എന്നും അറിയപ്പെടുന്നു.

ത്രീകടുകളിൽ ഒന്നായ് തിപ്പലി വാതകഫഹരമായ ഒരു ഔഷധമാണ്. വിട്ടുമാറാത വിധതിലുള്ള ജ്വരതിനും കഫകെട്ട്, ശ്വാസതടസതിനും ഇത് ഉപയോഗിക്കുന്നു, ആസ്മ,ക്ഷയരോഗങ്ങൾ തുടങ്ങിയ രോഗങ്ങൾ ശമിപ്പിക്കുന്നതിനു തിപ്പലി ഉപയോഗിച്ചുവരുന്നു.

കാണ്ഡം മുറിച്ച് നട്ട് വളർത്തുന്നതും കുരുമുളക് ചെടിയോട് രൂപസാദൃശ്യമുള്ളതുമായ തിപ്പലി പടർന്ന് വളരുന്ന ഒരു സസ്യമാണ്‌. പക്ഷേ ഇത് കുരുമുളകിനോളം ഉയരത്തിൽ വളരുന്നുമില്ല.

ഒന്നിടവിട്ട് വിന്യസിച്ചിരിക്കുന്ന ഇലകൾക്ക് അണ്ഡാകാരമുള്ളതും എരിവ് രുചിയുമുള്ളതാണ്‌. പക്ഷേ കുരുമുളകിന്റെ ഇലകളുടെയത്ര കട്ടിയില്ലാത്ത ഇലകളാണ്‌ തിപ്പലിക്കുള്ളത്.

പുഷ്പങ്ങൾ ഏകലിംഗികളാണ്‌. ആൺ, പെൺ പുഷ്പങ്ങൾ വെവ്വേറെ സസ്യങ്ങളിൽ കാണപ്പെടുന്നു. ആൺ പൂങ്കുലയിൽ സഹപത്രങ്ങൾ വീതി കുറഞ്ഞതും, പെൺ പൂങ്കുലയിൽ സഹപത്രങ്ങൽ വൃത്താകാരവും ആയിരിക്കും. കൂടാതെ ബാഹ്യദളങ്ങളും ഉണ്ടാകില്ല. കേസരങ്ങൾ 2 മുതൽ 4 വരെ ഉണ്ടായിരിക്കും. വിത്തുകൾ 2.5 മില്ലീമീറ്റർ വ്യാസമുള്ളതും പുറം മാസളവുമായ കായ്കളിൽ കാണപ്പെടുന്നു. ഇവ കുരുമുളകിൽ നിന്നും വ്യത്യസ്തമായി 2 സെന്റീമീറ്റർ വരെ നീളമുള്ളതും മാസളമായതുമായ പഴങ്ങളുടെ ഉള്ളിൽ കാണപ്പെടുന്നു. വർഷകാലത്ത് പുഷ്പിക്കുകയും ശരത് കാലത്ത് കായ്കൾ ഉണ്ടാവുകയും ചെയ്യുന്ന ഒരു സസ്യമാണിത്.

കായ്കളിൽ പൈപ്‌യാർട്ടിൻ, പൈപ്പറിൻ എന്നീ ആൽക്കലോയിഡുകളും റേസിനും ബാഷ്പശീലതൈലവും അടങ്ങിയിരിക്കുന്നു. ഇതിന്റെ തൺറ്റിൽ നിന്നും ഡിഹൈഡ്രോ സ്റ്റിഗ്മാസ്റ്റൈറിനും സ്റ്റീറോയിഡും വേർതിരിക്കുന്നു.

മറ്റു നാമങ്ങള്‍
——————–

മലയാളം : തിപ്പലി
തമിഴ് : പിപ്പലി
സംസ്‌കൃതം : പിപ്പലി, കൃഷ്ണ, വൈദേഹി
ഇംഗ്ളിഷ് : ലോങ് പൈപ്പർ
ഹിന്ദി : പിപ്പല, പിപലി
ശാസ്ത്രിയം : പൈപ്പര്‍ ലോങം ലിന്‍
കുടുംബം : പൈപ്പറേസിലിന്‍
രസം : കടു, തിക്തം
വീര്യം : സമശീതോഷ്ണം
ഗുണം : ലഘു, സ്നിഗ്ധം, തീഷണം
വിപാകം : മധുരം
ഉപയോഗം : ഫലം, മൂലം
കര്‍മ്മം : കഫവാതഹരം, പിത്തവർദ്ധകം

കൃഷിരീതി
—————

നല്ല നീർവാർച്ചയുള്ള ജൈവാംശമുള്ള മണ്ണാണ് തിപ്പലി കൃഷിചെയ്യാനുത്തമം. നനയ്ക്കാനുള്ള സൗകര്യവും വേണം.

മൂന്നോ നാലോ മുട്ടുകളുള്ള വള്ളികൾ വേരുപിടിപ്പിച്ച് തവാരണകളിൽ നടുന്ന രീതിയാണ് ഏറ്റവും ഫലപ്രദം. മണ്ണ്, മണൽ, ചാണകപ്പൊടി എന്നിവ 1:1:1 എന്ന അനുപാതത്തിൽ നിറച്ച പോളിത്തീൻ കൂടിൽ നാല് തലകൾ വരെ വേരുപിടിപ്പിച്ചെടുക്കാം.

മൂന്ന് മീറ്റർ നീളവും രണ്ടരമീറ്റർ വീതിയുമുള്ള തവാരണകളുണ്ടാക്കി ഓരോ ചെടിയും തമ്മിൽ 60 സെന്റിമീറ്റർ അകലത്തിൽ കുഴിയെടുത്ത് നടണം. ഓരോകുഴിയിലും നൂറ് ഗ്രാം കാലിവളമോ കമ്പോസ്റ്റോ അടിവളമായി നല്കാം. തവാരണയിൽ വെള്ളം കെട്ടിനില്ക്കാതെ ശ്രദ്ധിക്കണം. അധികം പൊക്കം വയ്ക്കാത്തതിനാൽ തിപ്പലിക്ക് താങ്ങ് കൊടുക്കേണ്ടതില്ല.

മഴക്കാലത്തു വരുന്ന വാട്ടരോഗം തടയാനായി ഒരു ശതമാനം വീര്യമുള്ള ബോർഡോകുഴമ്പ് തളിക്കുകയും മണ്ണിൽ ഒഴിച്ച് കൊടുക്കുകയും വേണം. ചൂടുകാലത്ത് ചെടിയുടെ അടിവശത്തും വേരിലും കാണുന്ന മീലിമൂട്ടയുടെ ആക്രമണം കുറയ്ക്കാൻ 0.5% വീര്യമുള്ള വേപ്പിൻ കഷായം തളിച്ചാൽ മതി.

തിപ്പലിയിൽ ആണ്, പെൺ ചെടികളുണ്ട്. പെൺചെടിയിലെ കായ്കൾ മാത്രമാണ് മൂപ്പെത്തിയാൽ പറിച്ചെടുക്കുക. ഇവ ആണ് ചെടിയിലുണ്ടാകുന്ന കായ്കളേക്കാൽ നീളം കുറഞ്ഞതും മുഴുത്തതുമായിരിക്കും. തിരികൾ ഉണ്ടായി രണ്ട് മാസം കഴിഞ്ഞാൽ വിളവെടുക്കാം. കായ്കൾ മൂപ്പ് കുറഞ്ഞാലും കൂടിയാലും അത് ഔഷധഗുണത്തെ ബാധിയ്ക്കും.

പാകമായ തിരികൾ പറിച്ചെടുത്ത് നല്ല വെയിലിൽ അഞ്ചോ ആറോ ദിവസം ഉണക്കണം.അഞ്ച് കൊല്ലം കൂടുമ്പോൾ പഴയ ചെടികൾ പിഴുതുമാറ്റി പുതിയവ നടണം. പിഴുതുമാറ്റുന്ന ചെടികൾ കഷ്ണങ്ങളാക്കി നന്നായി ഉണക്കിയെടുത്താൽ തിപ്പലി മൂലമായി. ആയുർവേദത്തിൽ ഇതിനും ഉപയോഗമുണ്ട്.

ചില ഔഷധപ്രയോഗങ്ങൾ
————————————

കായ്, വേര് എന്നിവയാണ്‌ തിപ്പലിയിൽ ഔഷധയോഗ്യമായ ഭാഗങ്ങൾ.

തിപ്പലികായ് പാലില്പൊടിച്ച് ചേർത്തു കഴിക്കുന്നതിലുടെ പനിയും ചുമയും മാറും ഒപ്പം വിളർച്ചയ്ക്കും ശമനംയുണ്ടാക്കും.

പ്രസവരക്ഷക്ക് തിപ്പലി ഉണക്കമുന്തിരിയും ചേർത്ത് പൊടിച്ചു കൊണ്ടുക്കുന്നതിലുടെ ദഹനശക്തിയും ധാതുപുഷ്ടിയും ഉണ്ടാക്കുന്നു.

 

ആയുർവേദം's photo.

1,886 total views, 2 views today

കുടംപുളിയുടെ പ്രധാന ഔഷധ ഗുണങ്ങള്‍

കുടംപുളി ഇട്ട കറി നമ്മള്‍ കഴിക്കും പുളിയോ..?
അത് ഒരു സൈഡില്‍ മാറ്റി വയ്ക്കും കളയാനായി അല്ലേ..?
എന്നാല്‍ ഇതിന്റെ ഗുണങ്ങളറിഞ്ഞാല്‍ ഇതങ്ങനെ കളയാനാകില്ല. കുടംപുളിയില് നിന്ന് വേര്തിരിച്ചെടുക്കുന്ന പ്രകൃതിദത്ത ഘടകമാണു ഹൈഡ്രോസിട്രിക് ആസിഡ്. നിങ്ങള്ക്ക് ശരീര ഭാരം കുറയ്ക്കണമെങ്കില്‍ അതിന്റെ വേഗത കൂട്ടാന്‍ ഉപകരികുന്ന ഒരു ഘടകമാണ്, മുകള്‍ പറഞ്ഞത്. ശരീരത്തില്‍ രൂപപ്പെടുന്ന കൊഴുപ്പിനെ തടയുകയാണ്, ഈ ആസിഡിന്റെ് ലക്ഷ്യം. ഇത് കുടംപുളിയില്‍ ധാരാളമായി അടങ്ങിയിരിക്കുന്നതു കൊണ്ട് ഇത് തടി കുറയ്ക്കാന്‍ വളരെ പ്രയോജനപ്രദമാണ്.
അതുമാത്രമല്ല കുടംപുളിയുടെ ഗുണം. ശരീരത്തിലെ ചീത്ത കൊളസ്റ്റ്രോളിനെ കുറയ്ക്കാനും അതുവഴി ഉണ്ടാകുന്ന രോഗങ്ങളെ തടയാനും ഇത് സഹായിക്കും. തലച്ചോറിലെ ഉന്മേണഷദായിനിയായ ഹോര്മോണ്‍ സെറോടോണിന്റെ അളവ് ഉയര്ത്താന്‍ സഹായിക്കുന്നതു കോണ്ട് ദിവസം മുഴുവനും ഉന്മേനഷത്തോടയിരിക്കാനും കുടംപുളി സഹായിക്കും.
മുന്‍ ലോകസുന്ദരി ഐശ്വര്യയുടെ സൗന്ദര്യ രഹസ്യം കേട്ട് സെലിബ്രിറ്റികള്‍ നമ്മുടെ കുടംപുളിയുടെ പുറകേ തന്നെയാണ്. മരുന്ന് കുത്തക കമ്പനികള്‍ ഇതിന്റെ വിപണന സാധ്യതകള്‍ മനസ്സിലാക്കി ഇതിന്റെ ക്യാപ്സ്യൂള്‍ രൂപത്തിലും ഇപ്പോള്‍ മാര്ക്കറ്റില്‍ എത്തിക്കുന്നുണ്ട്. പൊതുവേ ഇതിന്റെ ഗുണം ഏറ്റവുമധികം മനസ്സിലാക്കിയ യൂറോപ്പിയന്സാണ്, ഇത്തരം ക്യാപ്സൂളുകള്‍ ഉപയോഗിക്കുന്നവരില്‍ ഭൂരിഭാഗവും.
അപ്പോള്‍ പിന്നെ ഇത്ര ഗുണകാരിയായ ആ പാവം കുടംപുളിയെ വെറുതേ കളയണോ?

ഷെയർ ചെയ്യുക ആര്ക്കെങ്കിലും ഈ പോസ്റ്റുകൾ ഉപകാരം ആകട്ടെ.
കൂടുതല്‍ അറിയാന്‍ ആയുർവേദം പേജ് ലൈക്‌ ചെയ്യൂ ….

ആയുർവേദം's photo.

1,171 total views, 3 views today

ദാമ്പത്യത്തര്‍ക്കങ്ങളുള്ളവരുടെ കുട്ടികള്‍ക്ക് ടി.സി.അനുവദിക്കുന്നതിനുള്ള മാനദണ്ഡങ്ങള്‍clickk here

ഭാര്യാഭര്‍ത്താക്കന്‍മാര്‍ തമ്മില്‍ ദാമ്പത്യപ്രശ്‌നങ്ങള്‍ നിലനില്‍ക്കുന്ന കേസുകളില്‍ കുട്ടികളുടെ ടി.സി അനുവദിക്കുന്നതിന് മാനദണ്ഡങ്ങള്‍ നിശ്ചയിച്ച് പൊതുവിദ്യാഭ്യാസ വകുപ്പ് സര്‍ക്കുലര്‍ പുറപ്പെടുവിച്ചു. ടി.സി. നല്‍കുന്നത് വിലക്കിക്കൊണ്ടുള്ള കോടതി വിധികളൊന്നും നിലവിലില്ലെങ്കില്‍ ഏത് രക്ഷിതാവിന്റെ കരുതലിലും സംരക്ഷണയിലുമാണോ കുട്ടി കഴിയുന്നത് ആ രക്ഷിതാവിന്റെ അപേക്ഷയില്‍ കുട്ടിക്ക് ടി.സി. അനുവദിക്കാവുന്നതാണ്. മാതാവ്/പിതാവ് ഉപേക്ഷിച്ചുപോയ കേസുകളിലും വിവാഹ മോചനം ചെയ്യപ്പെട്ട കേസുകളിലും കുട്ടി യഥാര്‍ത്ഥത്തില്‍ ആരുടെകൂടെയാണോ ജീവിക്കുന്നത് ആ രക്ഷിതാവിന്റെ അപേക്ഷയില്‍ കുട്ടിക്ക് ടി.സി അനുവദിക്കാവുന്നതാണ്.

1,059 total views, no views today

സ്കൂളുകളില്‍ കറിയില്ലാ കഞ്ഞിയുടെ കാലം

ബിരിയാണി വിളംബരം ചെയ്തവര്‍ കഞ്ഞിയും പയറും കിട്ടാക്കനിയാക്കുന്നു.മിക്കവാറും സ്കൂളുകളില്‍ കറിയില്ലാ കഞ്ഞിയുടെ കാലമായി.ഉപ്പും ചോറും എന്നത് ദാനത്തിന്റെയും ഒരുവേള വിധേയത്വത്തിന്റെയും പര്യായമായിരുന്നു. വിദ്യാര്‍ഥികള്‍ക്ക് ബാലാവകാശ സംരക്ഷണ കാലത്ത് ഉപ്പും കഞ്ഞിയും മാത്രം.

  1987 മുതല്‍ കേരളത്തില്‍ സാര്‍വത്രികമായ സ്കൂള്‍ ഉച്ചഭക്ഷണ പദ്ധതിയുടെ ഭാഗമായി കഞ്ഞിയും പയറും ആണ് ഏറെ കാലം നല്‍കിയിരുന്നത്. പോഷക പൂര്‍ണമെങ്കിലും കാലത്തിനനുസരിച്ച് മാറ്റം പലരും കൊതിച്ചു. മുട്ടയും പാലും ചോറും കറികളും പല സ്ഥലത്തും വ്യാപകമായി. അപ്പോഴും അരിയും ചെറുപയറും നേരിട്ട് നല്‍കി മറ്റ് ആവശ്യങ്ങള്‍ക്ക് പണം നല്കുന്നരീതിയായിരുന്നു. മുട്ടക്കും പാലിനും സര്‍ക്കാര്‍ നിശ്ചയിക്കുന്ന നിരക്ക് പ്രത്യേകമായി നല്‍കി.

  അതിനിടയിലാണ് പദ്ധതി 2012 ല്‍ അടി മുടി മാറ്റിയത്. കഞ്ഞിയും പയറും എന്ന പതിവ് മെനു മാറ്റി സ്കൂള്‍ നൂണ്‍ മീല്‍ കമ്മറ്റികള്‍ക്ക് പോഷക ഘടന ഉറപ്പാക്കി  ഓരോ ദിവസത്തേക്കും ഇഷ്ട്ടം പോലെ പ്രത്യേകം മെനു തീരുമാനിക്കാം എന്നായി.സ്കൂളുകള്‍ക്ക് ബിരിയാണി വരെ നല്‍കാം എന്ന് വീമ്പു പറഞ്ഞാണ് നമ്മുടെ വിദ്യാഭ്യാസ മന്ത്രി പരിഷ്ക്കാരത്തെ വിശേഷിപ്പിച്ചത്‌.അങ്ങിങ്ങ് അത്തരം ചില അനുഭവങ്ങളും നടന്നു.ഇത് ഏറെക്കാലം പോയില്ല.അരി മാത്രം നേരിട്ട് നല്‍കി മറ്റു ആവശ്യങ്ങള്‍ക്ക് പരിമിതമായ പണം നല്‍കിയത് മിക്ക സ്കൂളുകള്‍ക്കും പ്രയാസം വരുത്തി.പോരാതെ വരുന്ന പണം പ്രാദേശികമായി സമാഹിരിക്കണമെന്ന നിര്‍ദേശം പലേടത്തും പാളി.ചെലവു തുക വര്‍ധിപ്പിക്കണമെന്ന മുറവിളി വ്യാപകമായി വന്നപ്പോള്‍ സര്‍ക്കാര്‍ കണ്ണുതുറന്നു.2013 ല്‍ തന്നെ ഒരു രൂപ കൂട്ടി നല്‍കാന്‍ തീരുമാനമായി.വര്‍ഷം രണ്ട് കഴിഞ്ഞിട്ടും പ്രാവര്‍ത്തികമായില്ല. ഇതിനിടയില്‍ പാല്‍ ,പാച്ചകക്കൂലി എന്നിവ പലതവണ സര്‍ക്കാര്‍ തന്നെ കൂട്ടി.മറ്റു സാധനങ്ങളുടെ വില ഇരട്ടിയില്‍ അധികമായി. അപ്പോഴും ചെലവു തുക നല്‍കുന്നത് പഴയപടി. അടുത്ത ദിവസം പാച്ചകക്കൂലി വര്‍ദ്ധിച്ചതോടെ പ്രതിസന്ധി രൂക്ഷമായി. പാലും പച്ചക്കറിയും അളവില്‍ കുറച്ചാണ് മിക്ക സ്കൂളുകളും ഭക്ഷണം നല്‍കിയിരുന്നത്.ഇപ്പോള്‍ അതും സാധ്യമല്ലാത്ത സ്ഥിതിയായി.

  കുട്ടികളുടെ എണ്ണം അനുസരിച്ച് പ്രതിസന്ധിയുടെ വ്യാപ്തിക്കു വ്യത്യാസം ഉണ്ട്. കുട്ടികള്‍ കുറവുള്ളവര്‍ക്കും 150 ന് മുകളില്‍ കുട്ടികള്‍ ഉള്ള സ്കൂളുകല്‍ക്കുമാണ് ഏറെ പ്രയാസം.ഇത്തരം സ്കൂളുകളില്‍ പാച്ചകക്കൂലി, പാല്‍, മുട്ട,വിറക്,ട്രാന്‍സ്പോര്‍ട്ട്  എന്നിവയുടെ ചെലവു കഴിഞ്ഞാല്‍ പലവ്യഞ്ജനം പയര്‍ വര്‍ഗം പച്ചക്കറി എന്നിവയ്ക്ക് നീക്കി ബാക്കി കാണില്ല. ഫലത്തില്‍ പോഷകാഹാരമെന്നത് എട്ടിലെ പശു മാത്രമാകുന്ന അവസ്ഥയാണ്.

   കുട്ടികളുടെ എണ്ണം പരിഗണിക്കാതെ എല്ലാ സ്കൂളുകള്‍ക്കും സ്ഥിര സ്വഭാവമുള്ള പാച്ചകക്കൂലി,പാല്‍,മുട്ട,ട്രാന്‍സ്പോര്‍ട്ട്,വിറക് ചെലവുകള്‍ പ്രത്യേകം നല്‍കുക, പലവ്യഞ്ജനം പയര്‍ വര്‍ഗം പച്ചക്കറി എന്നിവയ്ക്ക് നിശ്ചിത നിരക്കില്‍ തുക അനുവദിക്കുക തുടങ്ങിയ അടിയന്തര നടപടി ഉണ്ടാകുന്നില്ലെങ്കില്‍ സ്കൂള്‍ ഉച്ചഭക്ഷണ പദ്ധതി അനാകര്‍ഷകമാകും.

  നവ ഉദാരവല്‍ക്കരണ നയത്തിന്റെ ഏറ്റവും ആധുനിക തന്ത്രമായ നന്നാക്കി നശിപ്പിക്കുക എന്ന കുടില ബുദ്ധിയാണ് പ്രാവര്‍ത്തിക മാക്കുന്നത് എങ്കില്‍ ഒട്ടേറെ കുട്ടികളുടെ കഞ്ഞിയില്‍ പാറ്റയിടുന്ന പണിയാകും ഇപ്പോള്‍ നടപ്പാക്കുന്നത്. സ്കൂള്‍ ഉച്ചഭക്ഷണ പദ്ധതിയുടെ ആരംഭത്തിനു കാരണമായി പറയപ്പെടുന്ന ഒരു സംഭവ കഥയിലെ മര്‍മ്മം ഇപ്പോഴും വലിയ ചോദ്യമായി നമ്മുടെ മുന്നില്‍ ഉയരും ഒരു യാത്രക്കിടയില്‍ വയലില്‍ കാലി മേച്ചു നടക്കുന്ന കുട്ടികളെ കണ്ട് വണ്ടി നിര്‍ത്തി സ്കൂളില്‍ പോകാത്തതിന്റെ കാരണം തിരക്കിയ കാമരാജ് കുട്ടികളുടെ ഉത്തരത്തിനു മുന്നില്‍ ചൂളി.സ്കൂളില്‍ പോയാല്‍ പശി അടങ്ങുമോ എന്നായിരുന്നു കുരുന്നുകളുടെ മറു ചോദ്യം.അന്നത്തെ മദിരാശി സംസ്ഥാനത്തെ സ്കൂള്‍ ഉച്ചഭക്ഷണ പരിപാടിയുടെ തുടക്കം ആ മറു ചോദ്യത്തില്‍ നിന്നായിരുന്നു.

   കാമാരാജിന്  കനിവ് തോന്നി തുടങ്ങിയ പദ്ധതി നായനാര്‍ കേരളത്തില്‍ സാര്‍വത്രികമാക്കിയ പദ്ധതി അന്താരാഷ്‌ട്ര കുട്ടികളുടെ അവകാശ സംരക്ഷണ ഉടമ്പടിയുടെ ഭാഗമായി കേന്ദ്ര സര്‍ക്കാര്‍ ഏറ്റെടുത്ത പദ്ധതി ആധുനിക കാലത്ത് നന്നാക്കി നശിപ്പിക്കുന്നത് കണ്ട് നില്‍ക്കുന്നവരും കുറ്റക്കാരാവില്ലേ.കാല്‍കോടി കുട്ടികളുടെ ഒരു നേരത്തെ അന്നം(ചിലര്‍ക്ക് ഏക നേരത്തെയും) നിഷേധിക്കുന്ന തരത്തില്‍ ഭരണ കൂടം ഉറക്കം നടിക്കുമ്പോള്‍ എന്തേ ഏക മനസ്സോടെ കേരളം പ്രതികരിക്കാത്തത്.

 1862196

830 total views, no views today

മല്ലി ഇല കൃഷി ചെയ്യേണ്ട രീതി

Jobeesh Vm's photo.

 

പല തരം കറികള്ക്കും അത്യാവശ്യമായ ഒരു ഇല ആണ് മല്ലിഇല. അതിന്‍റെ ഇല പോലെ വേരിനും നല്ല മണമാണ്. എന്നിട്ടും വളരെ കുറച്ചു ആളുകള്‍ മാത്രമേ ഇതുവളരത്തുന്നുള്ളു. ഇതുവളര്ത്താന്‍ ബുദ്ധിമുട്ടാണെന്ന് വിചാരിച്ചിട്ടാണോ അതോ മെനക്കെടാന്‍ വയ്യെന്ന് വിചാരിച്ചിട്ടാണോ എന്ത്കൊണ്ടെന്നു അറിയില്ല. ഈ ചെടി കുറച്ചു delicate ആണെന്നത് ശരി. മാര്‍ക്കറ്റില്‍ കിട്ടുന്ന ഇല പല തരം രാസ-വിഷ പ്രയോഗം കഴിഞ്ഞതാണ് എന്നറിഞ്ഞിട്ടും പലരും ഇതു വീട്ടില്‍ വളര്ത്താന്‍ ശ്രമിക്കുന്നില്ല എന്നത് അതിശയംതന്നെ.വീട്ടില്‍വളരത്താന്‍ വലിയ ബുദ്ധിമുട്ടില്ലാത്ത ഒന്നാണ് മല്ലി. വിത്തു നേരിട്ട് പാകാം. നമ്മുടെ കാലാവസ്ഥയില്‍ ഇതുവര്ഷംമുഴുവന്‍വളരത്താന്‍ പറ്റിയതാണ്.
കൃഷി ചെയ്യേണ്ട രീതി.

ആദ്യമായി നടാന്‍ പറ്റിയ സ്ഥലം കണ്ടെത്തുക. കുറേശ്ശെ സൂര്യപ്രകാശം കിട്ടുന്ന സ്ഥലം ആയിരിക്കണം. നട്ടുച്ചയ്ക്ക് നേരിട്ടുള്ള സൂര്യപ്രാകാശം വീഴുന്ന സ്ഥലം ഒഴിവാക്കുക. മല്ലിചെടിക്കു വേണ്ടത് ഇളം ചൂടുള്ള സൂര്യ പ്രകാശം ആണ്. അപ്പോള്‍ രാവിലെയും വൈകുന്നേരവും മാത്രം വെയില്‍ കിട്ടുന്ന സ്ഥലം തിരഞ്ഞെടുക്കുന്നതാവും നല്ലത്.
നല്ല നീര്‍വാഴ്ചയുള്ള സ്ഥലമായിരിക്കണം. മണ്ണു നന്നായി കിളച്ചു അതിലെ കല്ലും മറ്റു പാഴ് വസ്തുക്കളും നീക്കം ചെയ്യുക. മണ്ണില്‍ പച്ചിലകളും ജൈവകമ്പോസ്റ്റും അടിവളമായി ഇടുക. മുന്പ് രാസവളം ഉപയോഗിച്ച മണ്ണു ആണെങ്കില്‍ കുറച്ചു കുമ്മായം ഇടുക. മല്ലിക്ക് വേണ്ടത് pH 6.2 നും 6.8 നും ഇടക്കാണ്.

ചട്ടിയിലാണെങ്കില്‍, മല്ലി ആണിവേര് ഉള്ള ചെടിയായതുകൊണ്ട് (കാരറ്റിന്‍റെ കുടുംബത്തില്‍ പെട്ടത്) എട്ടോ പത്തോ ഇഞ്ചു ആഴമുള്ള ചട്ടി വേണം. പിരിച്ചു നടാന്‍ പറ്റിയ ഇനമല്ലാത്തത് കൊണ്ട് വിത്തിടുന്നതിനു മുന്പ് തന്നെ ശരിയായ അടിവളംചേരത്തിരിക്കണം. മേല്മണ്ണു, മണല്‍, ചകിരിചോറു, മണ്ണിരകമ്പോസ്റ്റ്, ചാണകപൊടി, പച്ചിലകള്‍ എന്നിവകൂട്ടിയ മിശ്രിതമാണ് നല്ലത്.
വീട്ടിലെ അടുക്കളആവശ്യത്തിനു കടയിൽ നിന്നും വാങ്ങുന്ന മല്ലിവിത്ത് ഉപയോഗിക്കാം

വിത്തിടല്‍ :
—————
മല്ലി വിത്ത് കണ്ടിട്ടില്ലേ? ഒരു തോടില്‍ രണ്ടു വിത്തുകള്‍ ഒട്ടിപിടിച്ചു ഒരു ഉരുണ്ട പന്ത് പോലെ ഇരിക്കും. അതിന്‍റെ തോടു കുറച്ചു കട്ടി കൂടിയതാണ്. അത്കൊണ്ട് അത് ഒരു പേപ്പറില്‍ ഇട്ടു ഒരു ഉരുളന്‍ വടി കൊണ്ട് (ചപ്പാത്തിക്കോല്‍) മേലെ ഉരുട്ടിയാല്‍ ഓരോ വിത്തും രണ്ടു വിത്തായി വേര്‍പെടും. വിത്ത് മുളക്കുന്നതിനു ധാരാളം ഈര്പ്പം വേണം. മുളക്കാന്‍ രണ്ടാഴ്ച മുതല്‍ നാലാഴ്ച വരെ സമയമെടുക്കും. വിത്ത് ഒന്നോ രണ്ടോ ദിവസം കുതിര്ത്ത ശേഷം നടുന്നതാണ് നല്ലത്. വിത്ത് കട്ടന്‍ചായ വെള്ളതില്‍ ഇട്ടുവെച്ചാല്‍ ചായയിലെ tannin അതിന്‍റെ തോടിനെ മൃദുവാക്കും എന്നത് കൊണ്ട് വേഗത്തില്‍ മുളക്കും.
വിത്തിടുന്നതിനു രണ്ടു രീതിയുണ്ട്.
മണ്ണില്‍ കാല്‍ ഇഞ്ചു താഴെ, നാലിഞ്ചു മുതല്‍ ആറിഞ്ചു അകലത്തില്‍ വരിയായി നടാം. വരികള്‍ തമ്മില്‍ അര അടി അകലം വേണം. അല്ലെങ്കില്‍ വിത്ത് മണ്ണിന്‍റെ മുകളില്‍ ഒരേ തരത്തില്‍ പരക്കുന്ന രീതിയില്‍ വിതറാം. വിത്തിന് മുകളില്‍ കാല്‍ ഇഞ്ചു കനത്തില്‍ ചകിരി ചോറോ നനുത്ത മണ്ണോ കൊണ്ട് മൂടണം. വെള്ളം സ്പ്രേ ചെയ്യണം. നനക്കുമ്പോള്‍ വളരെ ശ്രദ്ധിക്കണം. വെള്ളം കുത്തി ഒഴിച്ചാല്‍ വിത്ത് അവിടവിടെ ആയി പോകും.
ഈ ചെടിക്ക് മൂന്നോ നാലോ മാസം മാത്രം ആയുസ്സുള്ളതുകൊണ്ട് വിത്തിടുമ്പോള്‍ പല ബാച്ചുകളായി രണ്ടു മൂന്നു സ്ഥലത്ത് രണ്ടു മൂന്നു ആഴ്ച ഇടവിട്ടു നട്ടാല്‍ എല്ലായ്പ്പോഴും ഇല കിട്ടും.

വളം കൊടുക്കല്‍ :
———————-
മുളച്ചു രണ്ടിഞ്ചു ഉയരം വന്നാല്‍ വളം കൊടുക്കാന്‍ തുടങ്ങാം. വെള്ളത്തില്‍ അലിയുന്ന നൈട്രജെന്‍ വളങ്ങളാണ് നല്ലത്. വളം ഒരിക്കലും അധികമാകരുത്‌, അധികമായാല്‍ ഇലയുടെ മണം കുറയും. നേര്പ്പി ച്ച ചാണക വെള്ളം മാത്രം ഒഴിച്ചാലും മതി. ഏറ്റവും നല്ലത് ഫിഷ്‌ അമിനോ ആസിഡ് ആണ്. അതൊരിക്കല്‍ മാത്രമേ കൊടുക്കാവൂ. കട്ടി കൂടിയ മിശ്രിതങ്ങള്‍ ഒഴിവാക്കുക. നെമവിര ശല്യം ഒഴിവാക്കാനാണിത്. ചെടി കുറച്ചു വലുതായാല്‍ പിന്നെ നനക്കുന്നത് കുറക്കണം. രാവില ചെറുതായി നനച്ചാല്‍ വൈകുന്നേരതെക്ക് കട ഉണങ്ങിയിരിക്കണം. ഒരിക്കലും വെള്ളം കെട്ടി നില്ക്കതരുത്.
ചെടികള്‍ കൂട്ടംകൂടി വളര്ന്നാല്‍ നന്നല്ല. അതുകൊണ്ട് ഇടക്കുള്ള ഉയരം കുറഞ്ഞ ചെടികള്‍ പറിച്ചെടുത്തു കറിക്ക് ഉപയോഗിക്കാം. ചെടികള്ക്കിടയില്‍ 8 ഇഞ്ചു ഇടം വരുന്ന രീതിയില്‍ ബാക്കിയുള്ളവയെ പറിചെടുക്കുക. ഇടയില്‍ കള വളരാന്‍ ഇട വരരുത്. കള വളരെ ചെറുതായിരിക്കുമ്പോള്‍ തന്നെ പറിച്ചു കളയുക. ചട്ടിയിലെ പോഷകം തിന്നു വളര്ന്ന ശേഷം ആ കളയെ പറിച്ചു കളഞ്ഞിട്ടെന്തു കാര്യം?

വിളവെടുപ്പ് :
—————-
ചെടി നാലോ ആറോ ഇഞ്ചു ഉയരം വെച്ചാല്‍ അടിഭാഗത്തുള്ള ഇലകളോ ചെറിയ ചില്ലകളോ നുള്ളി എടുക്കാം. ഇല നുള്ളിയാല്‍ മാത്രമേ അത് വേഗം വളരൂ എന്ന് ഓര്മിക്കുക. മൂന്നില്‍ രണ്ടു ഭാഗം ഇലകളില്‍ കൂടുതല്‍ ഒരേ സമയം നുള്ളരുത്, അത് ചെടിയ്ക്ക്‌ ക്ഷീണമാകും. ഒരിയ്ക്കല്‍ ഇല നുള്ളിയാല്‍ ചെടി വീണ്ടും കിളിര്ക്കാന്‍ തുടങ്ങും. രണ്ടു മൂന്നു ആഴ്ച കൂടുമ്പോള്‍ ഇങ്ങനെ ഇല നുള്ളാം. പിന്നീട് ചെടി പൂവിടാന്‍ തുടങ്ങും. അപ്പോള്‍ പുതിയ ഇലകള്‍ വരുന്നത് നില്ക്കും . തുടര്ന്നും ഇല വേണമെങ്കില്‍ ഉണ്ടാകുന്ന പൂക്കളെ അപ്പപ്പോള്‍ കളയണം. നമുക്ക് ഇല വേണോ അതോ അതിനെ പൂവിടാന്‍ വിടണോ എന്ന് തീരുമാനിക്കുക. പൂ ഉണങ്ങിയാല്‍ കൊത്തംബാല corriandar കിട്ടും. അത് പറിക്കാതെ ചെടിയില്‍ തന്നെ നിര്ത്തിയയാല്‍ ഉണങ്ങി താഴെ വീണു പുതിയ ചെടികള്‍ മുളച്ചു വരാന്‍ തുടങ്ങും. ചെടി രണ്ടടിവരെ ഉയരം വെയ്ക്കും.

ഇലയുടെ തീക്ഷ്ണമായ മണം കാരണം കീട ശല്യം ഇതിനു കുറവാണ്. എങ്കിലും ഈര്പ്പം അധികം ആയാല്‍ കുമിള്‍ ബാധ വരും. വെളുത്ത പൊടി പോലെ ഇലകളില്‍ നിറയും. കുമിള്‍ ബാധ വരാതിരിക്കാന്‍ നല്ല വായു സഞ്ചാരം ഉണ്ടായിരിക്കണം. ബാധ വന്ന ഇലകള്‍ അപ്പപ്പോള്‍ നുള്ളി കളയുക. ചെടിയുടെ കടക്കല്‍ എപ്പോഴും വൃത്തിയായി വെയ്ക്കണം. അവിടെ ചീഞ്ഞ ഇലകളോ പൂക്കളോ ഉണ്ടെങ്കില്‍ കുമിള്‍ ബാധ വരാന്‍ സാധ്യതയുണ്ട്. മല്ലി ഇലയുടെ നീര് acidity കുറയ്ക്കും. ശരീരത്തിന് തണുപ്പ് കൊടുക്കും. ഛര്‍ദ്ദിക്ക് ഒന്നോ രണ്ടോ ഇല വായിലിട്ടു ചവച്ചു നീരിറക്കിയാല്‍ മതി. സുഗന്ധ ദ്രവ്യം എന്ന നിലയില്‍ കറികളില്‍ ചേര്ക്കാം. ഇതു ദഹനത്തെയും സഹായിക്കും.
സാധാരണ മല്ലി പാകിയാൽ മതി. ചപ്പാത്തി കുഴൽ കൊണ്ട് അല്ലെങ്കിൽ അത് പോലെ ഉള്ള എന്തേലും വസ്തു കൊണ്ട് മല്ലി വിത്ത് മൃദുവായി പൊട്ടിച്ച ശേഷം പാകാവുന്നതാണ്. വളരെ വേഗം മുളയ്ക്കുന്ന ഒരു വിത്താണ്. മാറ്റി നട്ടാൽ വളരാൻ ബുദ്ധിമുട്ടാണ് അത് കൊണ്ട് വളരേണ്ട സ്ഥലത്ത് തന്നെ നേരിട്ടാണ് സാധാരണ വിത്ത് നടുന്നത്. നല്ല വളർച്ച കിട്ടാൻ ചെടികൾ തമ്മിൽ 5 cm അകലം വേണം. അത് കൊണ്ട് മുളച്ചു അഞ്ചാറ് ഇല ആകുമ്പോൾ ഇടയ്ക്കു നിന്ന് തൈകൾ പറിച്ചു മാറ്റി ഉപയോഗിക്കാം. ബാക്കി ഉള്ളവ നന്നായ് വളരും. രണ്ടു ആഴ്ച കൊണ്ട് ഉപയോഗിക്കാൻ പറ്റും. പൂത്തു തുടങ്ങിയാൽ പൂവ് നുള്ളി കളയണം. ഒരെണ്ണം പൂത്താൽ കൂട്ടത്തിൽ ഉള്ള മുഴുവൻ ചെടികളും പൂക്കും. വിത്ത് ശേഖരണം വേണമെങ്കിൽ കുറച്ചു വിത്ത് വേറെ ചട്ടിയിൽ നട്ട് പൂക്കാൻ അനുവദിക്കണം.
ചാണകം കലക്കി ഒഴിക്കുന്നത് വളർച്ചക്ക് ഉത്തമം

2,024 total views, 1 views today